Хүнхэрэй түрүү малшан Хоршинжаповтанай буусада

Үбэлэй шэмэрүүн жабартай хаһа буужа, ута нюргатай малай үбэлжэлгэдэ бэрхэшээлнүүдые үзүүлээд абана.

Саһа бордоһотой, хүйтэн үдэр байбашье, малшад малаа адуулжал ябадаг юм. Ута намар боложо, талын бэлшээреэр ябаһан адуу мал малшадай урманда хагда ногоондо саданхай, тобир тарган зандаа. Хүнхэрэй тала дайдаар бэлшэжэ ябаһан мал харахада, шэмэтэй үбһэ ногоогоор, таряа талханай хоолоор хангагдадаг байһан тула сэбэр, тэнхээ шадалтай бшуу. Таряа ургуулдаг «Сүүгэл» полевой станай хажуугаар Хүнхэр ажахын мал харууһалдаг буусанууд олон бии. Эндэ һая Хүнхэрэй буусануудаар ябажа, малшадай ажабайдалаар танилсаабди.

Цырендондок Хоршинжапов гэр бүлѳѳрѳѳ ажахынгаа казах малаан үүлтэрэй үнеэдые Сүүгэл дээрэ харадаг. Малшанай харууһан доро шэрхи бэетэй, бүхэ арһатай, хүйтэндэ ядададаггүй, 60 толгой үнеэн ондо орожо байна. «Казах малаан үнеэд мяхалиг, ѳѳхэниинь зузаан, бэеэр жааханууд аад, хүндэ шэгнүүртэй мал», — гэжэ Цырендондок Батожаргалович хѳѳрэнэ.

Толон